Tataristonda sayr qiluvchi qayiq cho‘kib ketdi
30 dan ortiq yo‘lovchi qutqarib olingan.
«Dastlabki maʼlumotlarga ko‘ra, 10 iyul kuni tushdan keyin Arakchino yaqinidagi Volga daryosida sayr qiluvchi qayiq cho‘kib ketdi. Yo‘lovchilar zudlik bilan qayiqlar yordamida qutqarib olindi», — deyiladi Tergov qo‘mitasining Transport bo‘yicha Markaziy tumanlararo tergov boshqarmasi matbuot xizmati xabarida.
Tergovchilar ushbu fakt bo‘yicha jinoiy ish qo‘zg‘atgan.
Boshqarmaning aniqlik kiritishicha, kemadan qutqarilgan 34 nafar yo‘lovchining barchasi sog‘lom, ular qirg‘oqqa olib chiqilgan. Hozirda g‘avvoslar cho‘kib ketgan kemani tekshirmoqda.
