Ukrainada Rossiyaning qancha mulki musodara qilindi?
Bu bo‘yicha Vladimir Zelenskiy maʼlumot berdi.
Ukrainada Rossiyaning jami 765 million dollarlik aktivlari musodara qilindi. Bu haqda Vladimir Zelenskiy maʼlum qildi.
"Bugun sanksiyalar siyosati va Rossiya aktivlari musodarasi bo‘yicha yig‘ilish o‘tkazdim. Amaldorlarning maʼlum qilishicha, Hozirning o‘zida 28 milliard grivna (765 million AQSH dollari)ga teng mulklar tortib olingan. Bu jarayon davom etmoqda", — degan Ukraina yetakchisi.
Uning qo‘shimcha qilishicha, yana RFga tegishli yana 900 obyekt musodara qilinadi. Nafaqat davlatga, balki, rossiyaliklarga tegishli mulkni qo‘shib hisoblaganda tortib olinadigan aktivlar soni 36 mingni tashkil etishi qayd etilgan.
Avvalroq Polsha bosh vaziri Rossiyaga tegishli barcha mulklarni musodara etishni taklif qilgandi.
