Zelenskiy Rossiyani ogohlantirdi
Bu Ukraina hududlarini RF tarkibiga qo‘shib olinishi bilan bog‘liq.
Ukraina prezidenti mamlakat janubiy viloyatlarining Rossiyaga qo‘shib olinishi masalasiga izoh berdi.
"Biz hech narsani bermaymiz, agarda bosqinchilar “referendum” o‘tkazsa, Rossiyaga maʼlum vaqtdan so‘ng Ukraina va erkin dunyo bilan zarur bo‘lgan muzokaralar imkoniyati butunlay tugaydi", — degan u millatga yo‘llagan videomurojaatida.
Zelenskiy hozirgi bosqichda eng muhimi hamkorlar tomonidan yetkazib berilayotgan qurollar ekanini maʼlum qilgan.
Rossiya kuchlari Ukrainaning Zaporojye va Xerson viloyatlarini bahordan buyon nazorat qilib keladi. Iyun oyida Xerson viloyatining harbiy-fuqarolik administratsiyasi rahbari o‘rinbosari deb eʼlon qilingan Kirill Stremousov 2022 yil kuzida RF tarkibiga qo‘shilish yuzasidan referendum o‘tkazilishini eʼlon qildi. Ammo aniq muddatlar keltirilmagan.
Avvalroq Zelenskiy Ukrainada musodara qilingan Rossiya mulklari yuzasidan maʼlumot bergandi.
