Tayvanning izolyatsiyasiga yo‘l qo‘ymaymiz — Pelosi
Vakillar palatasi spikeri 2-avgust orolga tashrif buyurgandi.
AQSH Xitoyning Tayvanni yakkalab qo‘yishiga yo‘l qo‘ymaydi. Bu haqda Kongress vakillar palatasi spikeri Nensi Pelosi matbuot anjumanida ma’lum qildi.
“Biz Xitoyning Tayvanni izolyasiya qilishiga yo‘l qo‘ymaymiz. Ular Taybeyning JSSTda ishtirok etishiga yo‘l qo‘ymayapti, vaholanki tayvanliklar tashkilotga katta hissa qo‘shishi mumkin. Ular Tayvan rasmiylarining bu tadbirlarga borishiga yo‘l qo‘ymasligi mumkin, ammo bizning orolga borishimizni cheklay olmaydi”, — degan siyosatchi.
Ma’lumot o‘rnida: Pelosi Pekinning e’tirozlariga qaramay, 2-avgust kuni Tayvanga tashrif bilan kelgan. Bunga javoban Xitoy 4 avgust kuni orol atrofidagi olti nuqtada xarbiy mashg‘ulotlar boshladi. Bundan tashqari, AQSH bilan qator kelishuvlar bekor qilingan.
