Janubiy Koreyada 14 kishi yogʻingarchilik qurboni boʻldi
Shuningdek, 6 kishi bedarak yoʻqolgan.
Janubiy Koreyada rekord darajadagi yogʻingarchilik oqibatida 14 kishiga halok boʻldi, deb yozmoqda “Yonhap” axborot agentligi.
Qurbonlarning sakkiz nafari Seulda, toʻrt nafari Kyongi provinsiyasida va ikki nafari Gangvon provinsiyasida halok boʻlgan. Shuningdek, 6 kishi bedarak yoʻqolgan.
Hozirda mamlakatda tabiiy ofat tufayli 7480 kishi evakuatsiya qilingan.
Eslatib oʻtamiz, Seulda dushanbadan chorshanbagacha 525 mm yomgʻir yogʻdi. Seuldan 45 km uzoqlikda joylashgan Yangpyong shahrida bu koʻrsatkich 526,2 mm darajaga yetgan.
