Yerevandagi portlash qurbonlari soni 6 kishiga yetdi
Portlash vaqtida 16 kishi bedarak yo‘qolganligi maʼlum qilingandi.
«Qutqaruvchilar vayronalar ostidan yana bir jasadni olib chiqishdi. Hozirgacha 6 kishi halok bo‘lgan. Qidiruv-qutqaruv ishlari davom etmoqda», — dedi Armaniston Favqulodda vaziyatlar vazirligi matbuot kotibi Ayk Kostanyan.
Yong‘in-qidiruv ishlariga 185 nafar qutqaruvchi jalb qilingan, Yerevan meriyasining yigirma avtotsisternasi, o‘n ikkita yuk mashinasi, beshta traktor, uchta kran va yettita qo‘shimcha texnikasi jalb etilgan.
Eslatib o‘tamiz, 14 avgust kuni soat 13:23 da Armaniston poytaxtidagi Surmalu savdo markazida daxshatli portlash sodir bo‘lgandi.
