Hindistonda 50 kishi toshqin qurboni bo‘ldi
Tabiiy ofat mamlakat iqtisodiyotiga zarba berdi.
So‘nggi uch kun ichida Hindiston shimoli va sharqida musson yomg‘irlari keltirib chiqargan suv toshqinlari va ko‘chkilar oqibatida kamida 50 kishi halok bo‘ldi. Bundan tashqari, yana 13 kishi bedarak yo‘qolgan.
Mamlakat sharqidagi Jharxand shtatida Nalkari daryosi toshib, besh nafar aholini oqizib ketgan. Shuningdek, Odishada bo‘ron sabab minglab aholi uylarini tark etishga majbur bo‘ldi. Yomg‘irlar elektr va suv ta’minotidagi uzilishlarga olib keldi.
Osiyoda uchinchi yirik iqtisodiyotga ega Hindistonda bu yil yaxshi hosil kutilgan edi. Ammo ofat qishloq xo‘jaligiga ham katta zarba berdi.
