Yaponiya deputatlari Tayvanga keldi
Ular orol rahbariyati bilan muzokaralar olib boradi.
Yaponiya parlamenti delegasiyasi uch kunlik tashrif bilan Tayvanga keldi. Bu haqda Tayvan xalqaro radiosi xabar berdi.
Uning tarkibiga hukmron Liberal-demokratik partiyaning ikki deputatlari — Keydzi Furuya va Minoru Kixaralar kirgan. Ular Tokio va Taybey o‘rtasidagi munosabatlarni rivojlantirish bo‘yicha parlament guruhiga rahbarlik qiladi.
Tashrif davomida delegasiya Tayvan rahbari Say Inven, uning o‘rinbosari Uilyam Lay, bosh vazir Su Chjenchan, TIV rahbari Jozef U, parlament spikeri Yu Sikunlar bilan uchrashadi.
Tayvanga xorijiy siyosatchilar tashrifi Pekin tomonidan norozilik bilan qabul qilinadi. Xitoy orolni XXRning ajralmas qismi sifatida ko‘radi va Taybeyning boshqa davlatlar bilan har qanday rasmiy aloqalariga qarshilik qilib keladi.
Avvalroq Tayvanga AQSHning Indiana shtati gubernatori kelgani to‘g‘risida xabar berilgandi.
