Putin, Si Szinpin va Raisiy ShHT sammiti doirasida O‘zbekistonga keladi
Shavkat Mirziyoyev davlat rahbarlari bilan muzokaralar o‘tkazadi.
Prezident matbuot kotibi, Sherzod Asadovning maʼlum qilishicha, SHHT sammitida imzolash uchun 30 dan ortiq hujjat taqdim etilishi rejalashtirilgan.
«Samarqand sammitining asosiy maqsadlaridan biri SHHT oilasini yana-da kengaytirish masalasi. Davlat rahbarlari kengashi doirasida SHHTga aʼzolik maqomini olish uchun Eronning majburiyatlari to‘g‘risidagi memorandum imzolanishi kutilmoqda», — deydi Sherzod Asadov.
Sammit doirasida Xitoy Xalq Respublikasi Raisi Si Szinpin, rossiya prezidenti Vladimir putin, Eron prezidenti Ibrohim Raisiylarining O‘zbekistonga tashrifi kutilmoqda.
Xususan, Xitoy Xalq Respublikasi Raisi Si Szinpin va Eron prezidenti Ibrohim Raisiy 14-16 sentabr, Rossiya prezidenti Vladimir Putin esa 15-16 sentabr kunlari rasmiy tashrif bilan O‘zbekistonda bo‘ladi.
Uchrashuv yakunida Qo‘shma bayonot va salmoqli kelishuvlar to‘plamini imzolash ko‘zda tutilgan. Davlat rahbarlari kengashi doirasida SHHTga aʼzolik maqomini olish uchun Eron Islom Respublikasining majburiyatlari to‘g‘risidagi memorandum ham imzolanishi kutilmoqda.
