Lukashenko prezident bo‘lib qolishida o‘z tarafdorlarini aybladi
Shu bilan birga u davlat rahbari bo‘lishdan charchaganini aytgan.
Aleksandr Lukashenko prezident bo‘lishdan charchaganini maʼlum qildi. Shu bilan birga u o‘z tarafdorlari bosimi ostida lavozimida qolayotganini aytgan.
“Tasavvur qilyapsizmi, birinchi navbatda siz tarafdan juda kuchli bosim ostidaman. Sizlarga pand berishdan qo‘rqaman. Fikrimcha, aynan siz barrikadalarda turib meni qo‘llab-quvvatlaysiz, mendan qandaydir idol yasab olasiz va hokazo. Men esa sizlarni, davlat xizatchilariga pand bersam... Buni qay darajada masʼuliyatli ish ekanini tasavvur qilolmaysiz”, – degan Lukashenko.
Bundan tashqari, prezident uning o‘rniga kelgan shaxslar hokimiyatni ushlab qolishiga kafolat yo‘qligini, shundan keyin mamlakatda beqarorlik boshlanishini, shuningdek, o‘z farzandlaridan xavotirda ekanini taʼkidlagan.
