G‘arq bo‘layotgan dunyo shaharlari
2050-yilga borib sayyoramizning 1 mlrd aholisi dunyo okeani sathi ko‘tarilishi oqibatida doimiy suv bosish xavfi ostida yashashi mumkin.
Nature nashrining yozishicha, bir guruh olimlar o‘tkazgan tadqiqot Janubiy va Janubi-Sharqiy Osiyodagi ayrim shaharlarda dunyoning boshqa yerlaridagiga nisbatan sezilmasdan cho‘kish jarayoni ancha tez kechayotganini ko‘rsatdi.
Vyetnamning 9 mln kishi yashovchi Hoshimin (kino va adabiyotlarda Saygon nomi ostida mashhur) shahri dunyoning qirg‘oq bo‘yida joylashgan 48 ta yirik shahri orasida eng tez cho‘kmoqda.
Bu ro‘yxatda Bangladeshning Chittagong port-shahri ikkinchi o‘rinni band etdi.
Suv bosish xavfi yuqori yirik shaharlar beshligida keyingi o‘rinlarda: Ahmadobod (Hindiston), Jakarta (Indoneziya poytaxti, bu mamlakat poytaxtni ko‘chirish taraddudida) va Yangon (Myanma poytaxti).
BMTning Iqlim o‘zgarishlari bo‘yicha hukumatlararo ekspertlar guruhi bayonoti 2050-yilga borib sayyoramizning 1 milliard aholisi dunyo okeani sathi ko‘tarilishi oqibatida doimiy suv bosishi xavfi ostida yashashini ko‘rsatdi.
