Janubiy Koreya uchirgan raketa qulab tushdi
Hozirda hodisa sabablari o‘rganilmoqda.
Janubiy Koreya harbiylari raketa mashg‘ulotlari chog‘ida uchirmoqchi bo‘lgan “Xyumoo-2” ballistik raketasi mamlakat sharqidagi harbiy-havo kuchlari bazasiga qulab tushdi.
Raketa yerga tegib, portlagan. Bu esa Gangneung aholisida vahima uyg‘otdi. Odamlar buni KXDR tomonidan qilingan hujum deb o‘ylashgan. Shu bilan birga, harbiy va fuqarolik hokimiyati bir necha soat davomida voqea haqida izoh bermadi.
Keyinroq Janubiy Koreya Qurolli kuchlari shtab boshliqlari birlashgan qo‘mitasi hodisa oqibatida qurbonlar yo‘qligi, fuqarolik obyektlariga zarar yetmaganini maʼlum qildi. Harbiylar, shuningdek, hodisa sabablarini o‘rganayotganini aytdi.
