Qozog‘istonda prezidentligiga ilk ayol nomzod rasman ro‘yxatga olindi
Bu haqda mamlakat Markaziy saylov komissiyasi xabar berdi.
Qozog‘iston Respublikasi Markaziy saylov komissiyasi Qaraqat Abdenni 20-noyabr kuni bo‘lib o‘tadigan navbatdan tashqari prezidentlik saylovida nomzod sifatida ro‘yxatga olish to‘g‘risida qaror qabul qildi.
Markaziy saylov komissiyasining kun tartibida faqat bir masala ko‘rib chiqildi.
«Markaziy saylov komissiyasining 11 oktyabrdagi qarori bilan nomzodning qonun talablariga javob berishi aniqlandi. Fuqarolar imzosini to‘plash uchun nomzodga imzo varaqalari topshirildi. Viloyat saylov komissiyalarining bayonnomalariga ko‘ra, Qozog‘iston Respublikasi Prezidentligiga nomzodni qo‘llab-quvvatlagan mamlakatning 15 viloyatidan 121 314 nafar fuqaroning imzosi to‘plangan. Ulardan 120 158 ta imzo tekshirilib, 118 418 tasi ishonchli deb topildi», — dedi Markaziy saylov komissiyasi aʼzosi Shavkat O‘temisov.
Shuningdek, MSK aʼzolari nomzodning nomzodini qabul qilish to‘g‘risidagi qarorga ovoz berishdi. Natijada, bir ovozdan ijobiy qaror qabul qilindi.
«Markaziy saylov komissiyasi Qaraqat Jaqsiliq qizi Abdenni 2020 yil 20 noyabrga belgilangan navbatdan tashqari prezidentlik saylovida nomzod sifatida ro‘yxatga oladi», — dedi Markaziy saylov komissiyasi raisi Nurlan Abdirov.
Yig‘ilish yakunida MSK raisi nomzodga nomzodlik guvohnomasini topshirdi.
