Roy Jons Mayamida yana bitta jang o‘tkazadi
U ijtimoiy tarmoq yulduziga qarshi ringga chiqadi.
53 yoshli amerikalik bokschi kichik Roy Jons 28-yanvar kuni Mayamida ijtimoiy tarmoq yulduzi va “IFBB” professional bodibilderi Robert Uilmot bilan jang qiladi. Bu haqda “TMZ” nashri xabar bermoqda. Jang bir daqiqadan besh raundga mo‘ljallangan.
Eslatib o‘tamiz, kichik Roy Jons professional faoliyati davomida 75 ta jang o‘tkazib, 66 ta jangda g‘alaba qozongan va 9 tasida mag‘lubiyatga uchragan. Jons oxirgi marta 2020-yilning noyabr oyida Mayk Tayson bilan ko‘rgazmali jang o‘tkazgandi. O‘sha qarama-qarshilik natijalariga ko‘ra, g‘olib aniqlanmagan, hakamlar durang qayd etishgan.
