Ten Xag Ronalduni maqtadi
“Qizil iblislar” kecha navbatdagi g‘alabani qo‘lga kiritdi.
“Manchester Yunayted” bosh murabbiyi Erik ten Xag Angliya chempionatining 14-turidan o‘rin olgan “Vest Hem”ga qarshi o‘yinda Krishtianu Ronalduning o‘yini haqida gapirdi. Uchrashuv “Old Trafford” stadionida bo‘lib o‘tdi va mezbonlarning 1:0 hisobidagi g‘alabasi bilan yakunlandi. Ushbu uchrashuvdagi g‘alaba goliga Markus Reshford mualliflik qildi.
“Menimcha, Ronaldu o‘zini yaxshi his qildi. Tanaffusda futbolchilarga himoyada o‘ynashni, maydon markazida ishlashni aytdim. Biz hujumkor futbol samaradorligini oshirishimiz kerak. Hozir to‘g‘ri yo‘nalishda ketyapmiz”, — deya Ten Xagning so‘zlaridan “Manchester Evening News” nashri iqtibos keltirdi.
Eslatib o‘tamiz, “Manchester Yunayted” hozirda 23 ochko bilan APL turnir jadvalida 5-o‘rinda bormoqda.
