O'zbekiston

Ehtiyot bo‘ling, siz metrodasiz

Toshkent metropoliteni qachongacha uzr bilan kifoyalanadi?

Ehtiyot bo‘ling, siz metrodasiz

 

Metro, ishonch, xavfsizlik. Har bir yo‘lovchi metroda mana shu sifatlar mujassam deya undan foydalanadi. Ammo so‘nggi paytlarda metroda yurishga ham odam qo‘rqib qoldi. Kuzatilayotgan nosozliklarni keti uzilmayapti. Yozda vagonlar qizib, goho yonib ketadi, yog‘ingarchilik kuzatilsa, suv toshadi.  Xullas, yer ostida voqealar rivoji qizg‘in: vagonlar tez-tez “charchab qolishi”dan tashqari, yo‘lovchilar sumkasidan “bomba” ham chiqib turadi. 

 

7-noyabr kuni Toshkent metropolitenining “Chilonzor” yo‘nalishida poyezd nosozlik sabab yanato‘xtabqoldi. Bu haqda “Toshkentmetropoliteni” DUK ma’lum qildi. Soat 19:10 da “Chilonzor” yo‘nalishi Sergeli yo‘lining 5-bekatida poyezd harakat yo‘lida texnik nosozlik holati kuzatilgan, buning natijasida bekatda bo‘lgan 17-sonli harakat tarkibi harakatlana olmagan hamda ushbu yo‘lda yo‘lovchilar va harakat xavfsizligini ta’minlash maqsadida harakat vaqtinchalik to‘xtatilgan.

 

Ushbu vaqt oralig‘ida “Buyuk Ipak yo‘li” hamda “Olmazor” bekatlari oralig‘ida poyezdlar jadval asosida harakatlangan. “Olmazor” hamda Sergeli yo‘li 5-bekat oralig‘ida ushbu nosozlik holati tuzatilgunga qadar bir tomonlama harakat amalga oshirilgan. Soat 19:37 da kuzatilgan nosozlik mutaxassislar tomonidan bartaraf etilgan va poyezdlar harakatlana boshlagan.

 

Bundan tashqari, 16- va 22-avgust, 25-sentyabr, 23- hamda 27-oktyabr kunlari ham metrodagi poyezdlar harakat tarkibida texnik nosozlik holati kuzatilgan.

 

Har safar metro bilan bog‘liq ko‘ngilsizliklar bo‘yicha rasmiy munosabat bildirarkan, “Toshkent metropoliteni” DUK yoki “O‘zbekiston temir yo‘llari” AJ yuzaga kelgan noqulaylik uchun yo‘lovchilardan uzr so‘rash bilan kifoyalanadi. Hatto hech qanday uzr so‘ralmaydigan kezlar ham uchraydi. Ammo bu muammoning yechimi bo‘lolmaydi. Yo‘lovchilar uzrlarni qabul qilaverib charchadi. Ularga texnik nosozliklardan xoli, xavfsiz va ishonchli yo‘l tarmog‘i kerak.

 

Odatda, metroda yuz beradigan favqulodda holatlar “texnik-nosozlik ro‘y bergani” bilan izohlanadi. Nariborsa, hodisa yuzasidan xizmat tekshiruvi tayinlangani,vaziyatga oydinlik kiritish uchun ishchi guruh tashkil etilgani aytiladi. Biroq xabarlar unut bo‘lgach, “texnik-nosozlik”ka nima sabab bo‘lgani, kelgusida bunday voqealar takrorlanmasligi uchun qanday ishlar qilinishi (qilinayotgani) haqida deyarli rasmiy ma’lumot berilmaydi. Menimcha, xabarning “shapkasi”ni o‘zgartirish vaqti keldi. 

 

Bahriniso Madumarova

 

Xorijiy korxonalar: Toshkent shahri va viloyati yetakchilik qilmoqda

Xorijiy korxonalar: Toshkent shahri va viloyati yetakchilik qilmoqda

2026-yil 1-oktyabr holatiga ko‘ra, O‘zbekistonda xorijiy investitsiyalar ishtirokidagi 22 mingdan ortiq korxona faoliyat yuritmoqda.

O‘zbekiston Prezidenti davlat tashrifi bilan O‘monda bo‘ladi

O‘zbekiston Prezidenti davlat tashrifi bilan O‘monda bo‘ladi

Masqat shahrida oliy darajadagi ikki tomonlama muzokaralar va boshqa tadbirlar bo‘lib o‘tadi.

Farg‘onada avtomobil velosipedchini urib yubordi: jabrlanuvchi shifoxonada vafot etdi

Farg‘onada avtomobil velosipedchini urib yubordi: jabrlanuvchi shifoxonada vafot etdi

Hozirda holat yuzasidan tergovga qadar tekshiruv harakatlari olib borilmoqda.

O‘zbekistonda ichimliklar ishlab chiqarish 11 foizga o‘sdi: eng yuqori ko‘rsatkich Toshkentda qayd etildi

O‘zbekistonda ichimliklar ishlab chiqarish 11 foizga o‘sdi: eng yuqori ko‘rsatkich Toshkentda qayd etildi

Joriy yilning dastlabki to‘qqiz oyida yirik korxonalar tomonidan ishlab chiqarilgan ichimliklar qiymati 25,5 trln so‘mni tashkil etdi.

Toshkentda kiberjinoyatlarda gumonlangan ikki guruh fosh etildi: 72 kishi ushlandi

Toshkentda kiberjinoyatlarda gumonlangan ikki guruh fosh etildi: 72 kishi ushlandi

Holatlar yuzasidan jinoyat ishi qo‘zg‘atildi.

Toshkentda havo sifati: 15-noyabr tongida yaxshilanishi mumkin

Toshkentda havo sifati: 15-noyabr tongida yaxshilanishi mumkin

Hozirda atmosfera havosi sifati Maxsus komissiya tomonidan doimiy monitoring qilinmoqda.

Paxta xirmoni 5 mln tonnadan oshdi, ammo terim davom etmoqda — vazirlik

Paxta xirmoni 5 mln tonnadan oshdi, ammo terim davom etmoqda — vazirlik

Qishloq xo‘jaligi vazirligi dalalarda hali paxta borligi ushbu natijani shubha ostiga qo‘ymasligini ta’kidladi.

Bir o‘rindiq sababli mojaro: Toshkentda ikki erkak 3 sutkaga qamaldi

Bir o‘rindiq sababli mojaro: Toshkentda ikki erkak 3 sutkaga qamaldi

Metroda joy bermagani uchun yo‘lovchini haqorat qilgan va keyinchalik uning ortidan borgan erkaklarga jazo tayinlandi.