Rossiya 11 yil ko‘rishmagan Erdog‘an va Asadni uchrashtirishga tayyorligini bildirdi
Bundan oldin Turkiya Prezidenti suriyalik hamkasbi bilan uchrashish ehtimoli haqida gapirgandi.
Rossiya Turkiya va Suriya Prezidentlari uchrashuvini tashkil etishga tayyor. Bu haqda RF Prezidentining Suriya bo‘yicha maxsus vakili Aleksandr Lavrentyev maʼlum qildi.
“Menimcha, Moskva ikki tomonda xohish bo‘lgan taqdirda muloqot maydonini taqdim etishga tayyor. Bunga shubha qilmayman”, — degan diplomat.
Shu bilan birga u bu uchrashuvni tashkil etish uchun maʼlum sharoit yetilishi kerakligini taʼkidlagan.
Bundan oldin Rajab Toyyib Erdog‘an Bashar Asad bilan uchrashish ehtimoli haqida gapirgandi. Ayrim manbalarga ko‘ra, ikki davlat rahbari uchrashuvi Vladimir Putin vositachiligida bo‘lib o‘tishi mumkin.
