Gazni tejab ishlating. Chunki...
O‘zbekistonda neft-gaz zaxirasi necha yilga yetishi aytildi
Geologiya va mineral resurslar Davlat qo‘mitasi vakili Erkin Nazarov maʼlum qilishicha, yurtimizda 300 ga yaqin neft-gaz konlari mavjud bo‘lib, ularning zaxirasi 40 yilga yetishi aniqlangan. Shu bilan birga, uran xomashyosi bo‘yicha ham 15 yilga yetadigan zaxira bor. Hozirgi kunda taxminan 50 mlrd kub atrofidagi gaz borligi aniqlangan.
Nazarov bundan keyin ham geologiya qidiruv ishlari amalga oshirish natijasida yana zaxiralar yildan-yilga topilishi mumkinligini taʼkidladi.
"Bu 40 yilda zaxiramiz tugaydi, degan gap emas. Har yili geologiya qidiruv ishlari amalga oshiriladi va neft, gaz, uran va boshqa xomashyolar bo‘yicha to‘liq zaxiralar aniqlanib boriladi", — deya qo‘shimcha qilgan qo‘mita vakili.
