Hindistonda 40 kishi alkogoldan vafot etdi
Spirtli ichimlik noqonuniy sotilgan.
Hindistonning Bixar shtatida qalbaki spirtli ichimlik isteʼmol qilish oqibatida kamida 40 kishi halok bo‘ldi. Bir necha kishi og‘ir ahvolda kasalxonaga yetkazilgan.
O‘z navbatida, shtat maʼmuriyati aholini hushyor bo‘lishga, qalbaki spirtli ichimliklar xarid qilmaslikka chaqirdi. Shuningdek, spirtli ichimlik ishlab chiqarish bilan shug‘ullanuvchi shaxslarni topish zarurligini taʼkidladi. Oradan ko‘p o‘tmay, tuman maʼmuriyati zarar ko‘rgan qishloqlarni kezib, noqonuniy mahsulot ishlab chiqargan shaxslarni topish harakatini boshladi.
Mahalliy OAV xabarlariga ko‘ra, o‘tgan yili shtatda 100 ga yaqin odam sifatsiz spirtli ichimliklar isteʼmol qilish oqibatida vafot etgan.
Hindiston rasmiylari alkogol isteʼmolini og‘ir soliqlar, yaʼni 70 foizgacha yoki uni sotishga cheklovlar qo‘yish orqali kamaytirishga harakat qilmoqda.
