Ukraina general Gerasimovni o‘ldirishga harakat qilgan—NYT
Bu maʼlumotlar Vladimir Zelenskiy ofisi aʼzosi tomonidan tasdiqlandi.
Ukraina qurolli kuchlari bahorda Rossiya armiyasi bosh shtabi boshlig‘i general Valeriy Gerasimovni o‘ldirishga harakat qilgan. Bu haqda The New York Times (NYT) gazetasi xabar berdi.
Qayd etilishicha, o‘sha paytda general Ukrainaga maxfiy ravishda kelishni rejalashtirgan. Rossiya rasmiylari bu tashrif haqida maʼlumot bermagan. Shu bilan birga, gazeta Gerasimovni aynan qayerga borishni rejalashtirganini aniqlashtirmagan. NYT‘ga ko‘ra, Vashington bu rejalar maʼlum bo‘lgan, ammo buni ukrainaliklardan sir tutgan. Nashr manbalari bu orqali AQSH eskalatsiyani oldini olishga harakat qilgan. Kiyev o‘z navbatida mustaqil razvedka maʼlumotlari orqali Gerasimovning ehtimoliy tashrifidan xabardor bo‘lgan.
Ukraina qurolli kuchlari general turgan pozitsiyalarga hujum qilgan, ammo unga hech qanday zarar yetmagan.
Keyinchalik bu xabar Ukraina prezidenti ofisi rahbari maslahatchisi Aleksey Arestovich tomonidan tasdiqlandi. Uning so‘zlariga ko‘ra, hujum aprelda Xarkovning Izyum shahrida bo‘lgan. Zarbalardan biroz avval Gerasimov pozitsiyani tark etgan.
