Mashhur hind aktrisasi suratga olish maydonchasida o‘z joniga qasd qildi
Bunga sevgi mojarosi sabab bo‘lgani aytilmoqda.
Mashhur hind aktrisasi Tunisha Sharma suratga olish vaqtida o‘z joniga qasd qildi.
Fojia suratga olish maydonchasida “Ali Baba: Jangchi afsonasi” filmida ishlayotgan vaqtda sodir bo‘lgan. 20 yoshli aktrisa kiyinish xonasida o‘lik holda topilgan.
Sharma juda quvnoq va o‘z yoshiga ko‘ra juda muvaffaqiyatli martabaga ega bo‘lgan sababli, bu xabar uni tanigan barchani hayratda qoldirdi.
Fojia yuz bergan kuni aktyor Shizan Muhammad Xon ham suratga olish maydonida bo‘lgan. U Tunisning sobiq sevgilisi.
Yigit bilan ajralish qizning o‘z joniga qasd qilishiga sabab bo‘lgan, deya taxmin qilinmoqda.
OAVning yozishicha, voqeadan ko‘p o‘tmay Xon gumondor sifatida hibsga olingan.
Aktyorning aytishicha, uning sobiq sevgilisi avval ham o‘z joniga qasd qilishga uringan va u har safar uni qutqarib qolgan.
Shu bilan birga, turli dindagi jamoalarga mansubligi sababli munosabatlarning uzilishini istagan Xon, ajrashgandan keyin Sharma o‘zini beqaror his qilganini tan oldi.
