Rossiya boylari fevraldan buyon qanchaga “kambag‘allashdi”?
Ukraina mojarosi va uning oqibatlari ortidan nafaqat rossiyalik milliarderlar, balki ularning xorijlik “hamkasb”lari ham boyligining katta qismini yo‘qotdi.
Fevraldan buyon rossiyalik milliarderlar 93 milliard dollar yo‘qotgan. Bu haqda “Lenta.ru” nashri xabar berdi.
Ushbu summaning yarmi (46.6 milliard dollar) 24 fevral, Rossiyaning Ukrainaga bosqini boshlangan kuni yo‘qotgan. Qolgan 47 milliarddan esa keyingi oylarda ayrilishgan.
Bundan tashqari, boshqa davlatlardagi milliarderlar ham o‘z boyligining katta qismidan mahrum bo‘lgan. Masalan, eng boy odamlar ro‘yxatidagi 500 nafar biznesmen bir yil ichida 1.4 trillion dollar yo‘qotdi.
Bunga Ukrainadagi urushdan tashqari, inflyatsiya o‘sishi, markaziy banklar siyosatining qattiqlashuvi, shuningdek, sanksiyalar siyosati sabab bo‘lgan.
