Mercedes-Benz butun dunyoda elektromobillarni zaryadlash stansiyalarini ochmoqchi
Shu maqsadda birgina Shimoliy Amerika davlatlariga 1 milliard dollar investitsiya kiritish rejalashtirilgan.
Germaniyaning Mercedes-Benz avtomobil ishlab chiqaruvchisi butun dunyoda elektromobillarni zaryadlash tarmog‘ini ishga tushirmoqchi. Bu haqda Heise online xabar berdi.
Maʼlumotlarga ko‘ra, kompaniya 2030 yilga qadar 10 mingdan ortiq zaryadlash stansiyalarini ishga tushirmoqchi. Ularning dastlabkilari yil davomida Shimoliy Amerikada paydo bo‘ladi. Eʼtiborli tomoni, undan nafaqat Mercedes-Benz avtomobillari, balki boshqa elektromobillar ham foydalanishi mumkin.
“Biz ularning qurilishiga qarab o‘tirmaymiz. O‘zimiz tezkor zaryadlash tarmog‘ini yaratamiz”, – degan konsern rahbari Ol Kellenius.
Uning so‘zlariga ko‘ra, kompaniya buning uchun birgina Shimoliy Amerikaga o‘zida 1 milliard dollar investitsiya kiritadi. 2027 yilgacha AQSH va Kanadada 2.5 ming zaryadlash qurilmasiga ega 400 ta stansiya ochiladi.
Hozirda ushbu tarmoqlarni yaratish bo‘yicha Yevropa va Xitoydagi hamkorlar bilan muzokaralar olib borilmoqda.
