Toshkentda “KIA K5” YTHga uchrab, yonib ketdi
Haydovchi yo‘l qatlami muzlaganini hisobga olmasdan avtomobil boshqargan va rul boshqaruvini yo‘qotib, yo‘l chetidagi temir to‘siqqa urilgan.
Joriy yilning 16 yanvar kuni soat 00:20 larda Toshkent shahar, Yunusobod tumani, Yangi shahar ko‘chasida haydovchi 1992 yilda tug‘ilgan B.R. “KIA K5” rusumli transport vositasini yo‘l qatlami muzlaganini hisobga olmasdan boshqarib ketayotib, rul boshqaruvini yo‘qotib, yo‘l chetidagi temir to‘siqqa urilib, ag‘darilib ketishi natijasida avtoulovda yong‘in chiqib yonib ketgan.
YTH natijasida tan jarohati olganlar yo‘q.
Mazkur YTH yuzasidan Toshkent shahar IIBB JXX YHXB xodimlari tomonidan surishtiruv olib borilmoqda.
Toshkent shahar YHBB barcha haydovchilardan ayni kunlardagi noqulay, anomal sovuq ob-havo sharoitida o‘ta ehtiyotkorlik bilan, tezlikni meʼyoridan oshirmasdan harakatlanishlarini so‘raydi.
