0
Dard ustiga chipqon: Suriyada turar-joy binosi 7 ta oilani bosib qoldi
Binosi qulashi oqibatida 16 kishi halok bo‘ldi, yana 4 kishi jarohatlandi.
Yakshanba kuni Suriya shimolidagi Aleppo provinsiyasida turar-joy binosining qulashi oqibatida 16 kishi halok bo‘ldi, yana 4 kishi jarohatlandi. Bu haqda Xitoyning Sinxua agentligi xabar berdi.
Shayx-Maqsud tumanidagi asosan kurdlar istiqomat qiladigan 5 qavatli bino suvning yuvilishi oqibatida qulab tushdi.
IIV maʼlumotlariga ko‘ra, uyda 7 ta oila istiqomat qilgan.
Sana davlat axborot agentligi xabariga ko‘ra, qutqaruvchilar omon qolganlarni qidirishda davom etmoqda.
