AQSh Janubiy Koreyani yadro quroli yordamida himoya qilishga tayyor
Amerika mudofaa vaziri koreyalik hamkasbi bilan uchrashuv o’tkazdi.
Qo'shma Shtatlar Janubiy Koreyani himoya qilish uchun oddiy va yadroviy qurollarni qo'llash majburiyatini oladi. Bu haqda Pentagon rahbari Lloyd Ostin Seulda Janubiy Koreya milliy mudofaa vaziri Li Jong Sop bilan qo‘shma matbuot anjumanida ma’lum qildi.
AQSh mudofaa vazirligi rahbarining soʻzlariga koʻra, 2022-yilda KXDR “misli koʻrilmagan” provokatsiyalarni amalga oshirgan. Tomonlarning fikricha, AQSh Janubiy Koreya bilan birga mintaqadagi vaziyatni beqarorlashtiradigan bu “xavfli harakatlar”ni qoralaydi.
Ostinning ta'kidlashicha, Janubiy Koreyada 28,5 ming amerikalik harbiy xizmat qilmoqda, bu AQShning xorijdagi eng yirik harbiy kontingentlaridan biri.
"Bu bizning Koreya yarim orolida tinchlikni saqlashga sodiq ekanligimizdan dalolat beradi. O'tgan bir yil davomida mamlakatlarimiz hamkorlikni chuqurlashtirishda sezilarli muvaffaqiyatlarga erishdi", — deya qo'shimcha qildi Pentagon rahbari.
