Fransiya va Xitoy Ukraina mojarosini tugatish bo‘yicha birga ishlamoqchi
Emmanuel Makron Van I bilan muzokara o‘tkazdi.
Fransiya va Xitoy Ukrainada tinchlik o‘rnatilishi uchun birgalikda harakat qilishga kelishib oldi. Bu haqda Parijda Emmanuel Makron va Xitoy sobiq TIV rahbari, XKPning tashqi ishlar bo‘yicha qo‘mitasi kanselyariyasi rahbari Van I uchrashuvi yakunida maʼlum qilingan.
Har ikki siyosatchi o‘z davlatining xalqaro huquq normalari asosida tinchlikka erishish zarurligini taʼkidlagan. O‘z navbatida Makron Pekinning Moskvaga taʼsir o‘tkaza olishidan umid qilgan.
Shu bilan birga, XXR va Fransiya harbiy mojaroning diplomatik hal etilishiga qanday erishishi ochiqlanmagan.
Van I 17-fevral kuni Moskvaga ham tashrif buyuradi.
