Shavkat Mirziyoyev Anqaradagi amaliy tashrifini yakunlab, Toshkentga jo‘nab ketdi
Tashrif davomida Erdog‘an bilan uchrashuv, Turkiy davlatlar tashkiloti sammiti va biznes muzokaralari bo‘lib o‘tdi.
O‘zbekiston Prezidenti Shavkat Mirziyoyev Anqara shahriga amaliy tashrifini yakunlab, Toshkentga jo‘nab ketdi.
“Etimesgut” aeroportida davlat rahbari va rafiqasini Turkiya Respublikasi savdo vaziri O‘mer Bolat hamda boshqa rasmiylar kuzatib qo‘ydi.
Tashrif davomida O‘zbekiston yetakchisi Turkiya Prezidenti Rejep Tayyip Erdog‘an bilan uchrashdi hamda Turkiy davlatlar sivilizatsiyasi bog‘ining ochilish marosimida ishtirok etdi.
Shuningdek, Turkiy davlatlar tashkilotining navbatdagi sammitida qatnashib, ko‘p tomonlama sheriklikni yanada kengaytirishning ustuvor yo‘nalishlarini belgilab berdi va qator muhim tashabbuslarni ilgari surdi.
Tashrif doirasida Turkiyaning yetakchi kompaniyalari rahbarlari bilan ham ikki tomonlama uchrashuvlar o‘tkazildi.
