1 kun ichida qariyb 3 mlrd so‘mlik elektr energiyasidan noqonuniy foydalanilgan
Ushbu miqdor o‘rtacha 30 mingta xonadonning bir oylik isteʼmolini tashkil qiladi.
Joriy yilning 15-fevral kuni Energetika vazirligi huzuridagi “O‘zenergoinspeksiya” va huquqni muhofaza qiluvchi organlar bilan hamkorlikda o‘tkazilgan nazorat tadbirlarida 119 ta holatda 6,3 mln kVt⋅soat miqdoridagi (jami 2,6 mlrd so‘m) elektr energiyasidan noqonuniy foydalanish holatlari aniqlandi.
Ushbu hajmdagi elektr energiyasi o‘rtacha 30 mingta xonadonning bir oylik isteʼmolini tashkil qiladi.
Xususan:
• Namangan viloyati, Namangan shahrida joylashgan “Istiqlol Javohiri” MCHJ elektr tarmog‘iga o‘zboshimchalik bilan ulanishi natijasida 646 mln so‘m;
•Samarqand viloyati, Qo‘shrabot tumanida joylashgan "Zamin Sirojxon" fermer xo‘jaligi elektr tarmog‘iga o‘zboshimchalik bilan ulanishi natijasida 275 mln so‘m;
•Toshkent viloyati, Bo‘stonliq tumanida faoliyat yuritayotgan“Sardor-Sarvar-Akmal Stroy" MCHJ elektr tarmog‘iga noqonuniy ulanishi orqali 187 mln so‘m qayta hisob-kitob amalga oshirildi.
Elektr energiyasidan noqonuniy foydalangan isteʼmolchilarning elektr qurilmalari tarmoqdan ajratilib, holat bo‘yicha rasmiylashtirilgan hujjatlar huquqni muhofaza qiluvchi organlarga yuborilmoqda.
Hududlarda nazorat tadbirlari davom ettirilmoqda.
