7 ta viloyat hokimligi poytaxtda mehmonxona quradi
Bu bo‘yicha Toshkent shahar hokimi vazifasini bajaruvchi Baxtiyor Rahmonov qaror chiqardi.
Toshkent shahar hokimi vazifasini bajaruvchi Baxtiyor Rahmonov poytaxt hududidan Namangan, Surxondaryo, Andijon, Sirdaryo, Buxoro, Samarqand va Farg‘ona viloyati hokimliklariga mehmonxona qurishga yer ajratish to‘g‘risida qaror chiqardi.
Viloyatlar hokimliklariga poytaxtning Mirzo Ulug‘bek tumani “Chingeldi” MFY hududidan mehmonxona qurish uchun 0,32 gektar yer maydoni ajratilgan.
Toshkent shahar Mirzo Ulug‘bek Chingeldi mahallasidagi 0,32 gektar yer maydoni quyidagi 7 ta viloyat hokimligiga mehmonxona qurish uchun doimiy foydalanishga berilgan:
▪️Namangan
▪️Andijon
▪️Farg‘ona
▪️Sirdaryo
▪️Surxondaryo
▪️Buxoro
▪️Samarqand
Viloyat hokimliklari ushbu hududning topografik xarita va geologik xulosasini ishlab chiqish uchun "Qurilishda muhandislik qidiruvlari, geoaxborot va shaharsozlik kadastri loyiha ilmiy-tekshirish davlat instituti" DUK Toshkent shahar filialiga buyurtma berishi belgilangan.
Shuningdek, Yangihayot tumanidagi Fayzli MFY hududida metrologik stansiya qurish uchun aholi yashash joyidan 0,15 gektar ajratish haqida ham qaror chiqarilgan.
Talabalar shaharchasidagi Milliy universitetga tegishli 0,15 gektar yer esa poytaxt hokimligi zaxirasiga o‘tkazilgan.
