0
O‘zbekiston va Qozog‘iston oliy taʼlim va undan keyingi taʼlimda hamkorlik qiladi
Bu bo‘yicha Toshkentda bitim imzolangan.
Kecha, 10 mart kuni “Xalqaro shartnomani tasdiqlash to‘g‘risida”gi Prazident qarori qabul qilindi. Bu haqda Oliy taʼlim, fan va innovatsiyalar vazirligi xabar bermoqda.
Qarorga ko‘ra, O‘zbekiston bilan Qozog‘iston o‘rtasida oliy taʼlim va oliy taʼlimdan keyingi taʼlim sohasida hamkorlik to‘g‘risida bitim tasdiqlandi. Mazkur bitim 2022 yil 22 dekabr kuni Toshkent shahrida imzolangan.
Oliy taʼlim, fan va innovatsiyalar vazirligi ushbu xalqaro shartnomani amalga oshirish uchun masʼul vakolatli organ etib belgilandi.
Vazirlar Mahkamasi hamda tegishli vazirlik va idoralarning rahbarlari ushbu xalqaro shartnoma kuchga kirganidan keyin O‘zbekistonning majburiyatlari bajarilishini taʼminlaydi.
