Dunyoning "ikki shoxli" odami vafot etdi
Bu o'simta uning 100 yoshdan oshganidan keyin paydo bo‘lgani aytilmoqda.
Yamanda boshidagi shoxga o‘xshash o‘simtalari tufayli “ikki shoxli” deb atalgan “dunyodagi eng keksa odam” Ali Anter vafot etdi.
Qayd etilishicha, Ali peshonasidagi o‘simtalarni olib tashlash bo‘yicha o'tkazilgan operatsiyadan so‘ng uch kun o‘tib vafot etgan. Undagi o‘simtalarni arrali uskuna bilan kesib tashlamoqchi bo‘lishgan.
Mahalliy aholi undagi bu shox Ali Anter 100 yoshdan oshganidan keyin paydo bo‘lganini aytishmoqda. Ularning fikricha, noprofessional amputatsiya uning o‘limini tezlashtirgan bo‘lishi mumkin.
Rasmiy ravishda Ali Anterning yoshi tan olinmagan. Ba’zi ma’lumotlarga ko‘ra, u 140 yoshda bo‘lgan.
