Liviyada yo‘qolgan uran topildi
Avvalroq MAGATE 2.5 tonna uran g‘oyib bo‘lganini maʼlum qilgandi.
Liviya hududini boshqaradigan harbiylar 2,5 tonna uranni topib berishdi, uning yo‘qolishi ilgari BMTning xalqaro atom energetikasi agentligi vakillari tomonidan eʼlon qilingandi.
Yaqinda agentlik inspektorlari Liviyada mahsulot saqlashni tekshirish chog‘ida uranni topa olmagan edi. Ammo Liviya milliy armiyasining rasmiy vakillari, yo‘qolgani aytilayotgan mahsulot milliy armiya zonalari hududidan besh kilometr narida joylashgan omborxonadan topilganini aytdi. 2,5 tonna uran 10 ta bochkada bo‘lgan.
Liviyaning g‘arbiy mintaqalari BMTning tan olingan hukumati tomonidan nazorat qilinadi. Sharqni esa Liviya milliy armiyasi generali Xalifa Xaftar egallab turibdi.
