“Yevropaga qaytgan yil urushi”
Josep Borrel Rossiya va Ukraina mojarosiga bag‘ishlab mazkur nomda kitob yozdi.
Yevropa diplomatiyasi rahbari Josep Borrel o‘zining “Yevropaga qaytgan yil urushi” nomli yangi kitobini nashr etdi. Unda Borrel 2023 yilda Rossiya va Ukraina o‘rtasidagi harbiy mojaro Kiyev tomonining g‘alabasi bilan yakunlanishiga umid bildirgan.
“Ukrainadagi urush va uning oqibatlaridan tashqari, bu kitobda siz 2022 yilda Yevropa Ittifoqini haqiqiy geosiyosiy o‘yinchiga aylantirish bo‘yicha qilingan harakatlar aks sadolarini topasiz. Bu saʼy-harakatlar 2023 yilda Ukrainaning Rossiya agressiyasini yengish va adolatli hamda mustahkam tinchlikka erishishdagi muvaffaqiyati bilan nishonlanishi umidida davom ettiriladi”, — deyiladi kitobning kirish qismida.
Eslatib o‘tamiz, 21 mart kuni mudofaa vaziri Sergey Shoygu Rossiya va Ukraina o‘rtasidagi harbiy mojaroning tugashi haqidagi savolga javob berar ekan, “har qanday urush tinchlik bilan tugaydi”, dedi. Lekin u mojaroni tinch yo‘l bilan hal qilishning mumkin bo‘lgan shartlarini aytmagan.
