Rossiya G‘arb sanksiyalariga tushgan neftini to‘liq boshqa bozorlarga yo‘naltirganini eʼlon qildi
Qayd etilishicha, o‘tgan yili birgina Hindistonga eksport 22 barobarga o‘sgan.
Rossiya G‘arbda embargoga tushgan barcha neftini boshqa bozorlarga yo‘naltira oldi. Bu haqda RF energetika vaziri Nikolay Shulginov maʼlum qildi.
Vazirning so‘zlariga ko‘ra, sotuvlarda pasayish kuzatilmagan. birgina Hindistonga “qora oltin” yetkazib berish 2022 yilda 22 baravarga oshgan.
O‘tgan yili oxirida va ushbu yil fevralida Rossiya neft va neft mahsulotlariga nisbatan “katta yettilik”, YEI va Avstraliya tomonidan embargo joriy etildi. Shuningdek, RF neftiga chegara narx belgilandi. Bunga javoban Moskva ushbu davlatlarga “qora oltin” sotishni kamaytirgan.
Hozirgi kunda rus neftining asosiy xaridori Xitoy va Hindiston bo‘lib turibdi. Eksport hajmi kamaymagan bo‘lsa-da, ammo Kremlning undan olayotgan daromadi pasaytgan. The Wall Street Journal maʼlumotlariga ko‘ra, pasayish ikki barobarni tashkil etmoqda.
