Rossiya Qrimda xandaklar va to‘siqlar tarmog‘ini qurdi
“Washington Post” nashriga ko‘ra, ular Ukrainaning qarshi hujumidan mudofaa uchun joylashtirilgan.
“Washington Post” gazetasi Rossiyaning Qrimda mudofaa tuzilmalarini qurish bo‘yicha faol saʼy-harakatlari yuzasidan o‘tkazilgan tekshiruvni eʼlon qildi.
“Taqdim etilgan sunʼiy yo‘ldosh suratlariga asoslanilsa, bir necha hafta ichida Rossiya rasmiylari Qrimda xandaklar va to‘siqlar tarmog‘ini qurishga muvaffaq bo‘lganini ko‘rsatadi”, — deb yozadi nashr.
Gazeta Qrimni urush zonasidagi “eng mustahkamlangan” hududlardan biri deb ataydi.
Qayd etilishicha, Rossiya Ukrainaning bahorgi qarshi hujumini kutayotgan so‘nggi haftalarda bunday mudofaa tuzilmalari tez paydo bo‘la boshlagan.
Vitino qishlog‘i yaqinida olingan suratlardan birida xandaqlarda o‘rnatilgan bir nechta artilleriya qismlari ham ko‘rsatilgan.
Ko‘pgina mudofaa inshootlari dengiz qirg‘og‘i yoki kanallar kabi tabiiy suv to‘siqlari yaqinida paydo bo‘lgan, bu Ukraina qurolli kuchlari tomonidan hujumga uchragan taqdirda qo‘shimcha to‘siqlar uchun qulay.
