“Yevroittifoq Rossiyani o‘z aybi bilan yo‘qotdi”
Rossiya TIV rahbari ittifiqni “nodo‘stona uyushma” deb atadi.
Yevropa Ittifoqi o‘z aybi bilan Rossiyani “yo‘qotdi” va endi Moskva uni “nodo‘stona uyushma” deb hisoblaydi. Bu haqda Rossiya tashqi ishlar vaziri Sergey Lavrov aytdi.
“Yevropa Ittifoqi” Rossiyani yo‘qotdi. Lekin bunga uning o‘zi aybdor. Yevropaliklar Kiyev rejimini qurol-yarog‘ va o‘q-dorilar bilan «puflayotgani» hamda Ukrainaga “instruktorlar va yollanma askarlar” yuborayotganidan shikoyat qilmoqda.
Shu sabablarga ko‘ra, biz YEIni do‘stona bo‘lmagan birlashma deb hisoblaymiz”, — dedi TIV rahbari.
Lavrovning taʼkidlashicha, “dushmanona qadamlar”ga javoban Moskva kerak bo‘lsa, Rossiyaning milliy manfaatlari va diplomatik amaliyotda umumeʼtirof etilgan o‘zaro munosabatlar tamoyilidan kelib chiqqan holda qatʼiy harakat qiladi.
“Agar yevropaliklar qachondir Rossiyaga qarshi kurashdan voz kechib, Rossiya bilan o‘zaro hurmatli muloqotni maʼqul ko‘rsalar, biz ularning takliflarini ko‘rib chiqamiz va milliy manfaatlarimizdan kelib chiqqan holda qarorlar qabul qilamiz”, — deya qo‘shimcha qiladi Lavrov.
