Navoiyda 17 yoshli qiz igna yutib, joniga qasd qilgani aytildi
Holat bo‘yicha viloyat prokuraturasi maʼlumot berdi.
Ijtimoiy tarmoqda Navoiyda maktabdagi janjaldan so‘ng 17 yoshli o‘quvchi qiz o‘z joniga qasd qilgani haqida xabar tarqaldi.Holat yuzasidan viloyat prokuraturasi rasmiy bayonot berdi.
Aniqlanishicha, Xatirchi tumanidagi umumiy o‘rta taʼlim maktablarining birida o‘qiyotgan, voyaga yetmagan S.A. joriy yilning 07 aprel kuni soat 14:10 larda yashash hovlisida ko‘p miqdorda dori isteʼmol qilib, sog‘lig‘i yomonlashganligi sababli tuman tibbiyot birlashmasi jonlantirish bo‘limiga olib kelingan.
Bemorning ahvoli og‘irlashganligi uchun u Respublika shoshilinch tez tibbiy yordam ilmiy markazi Navoiy filialining “Jonlantirish” bo‘limiga ko‘chirilgan. Bugungi kunda bemor koma holatida bo‘lib, shifokorlar tomonidan unga davo muolajalari olib borilmoqda.
Xatirchi tuman prokuraturasi tomonidan hodisa joyi ko‘zdan kechirilib, sudga oid tibbiyot ekspertizasi tayinlangan.
Mazkur holat yuzasidan tuman prokuraturasi tomonidan tergovga qadar tekshiruv harakatlari olib borilmoqda.
