Hindistonda 20 kishi aroqdan zaharlanib vafot etdi
Qurbonlar soni ortishi mumkinligi aytilmoqda.
Hindistonning Bixar shtatida kamida 20 kishi sifatsiz spirtli ichimlik ichib vafot etdi. Yana o‘nlab odamlar shifoxonaga yetkazilgan. Qurbonlar soni ortishi mumkin.
Manbalarning aytishicha, bir tanker qalbaki mahsulot Motixari qishlog‘iga olib kelingan va mahalliy savdogarlarga tarqatilgan.
Shifokorlar ichimlikdan zaharlanganlar ko‘ngil aynishi, oriyentatsiyani yo‘qotish, qorin og‘rig‘i, nafas qisilishi va hushini yo‘qotish kabi shikoyatlar bilan yotqizilganini aytmoqda.
Politsiya yettita kontrafakt sotuvchini qo‘lga oldi, tarkibida alkogol bo‘lgan mahsulotlar namunalari tahlilga jo‘natildi.
