BMT tadbirini yoritishi kerak bo‘lgan rossiyalik jurnalistlarga Amerika vizasi berilmadi
Rossiya TIV bundan norozi ekanini bildirdi.
Rossiyalik jurnalistlarga mamlakat tashqi ishlar vaziri Sergey Lavrovning Vashingtondagi tadbirlarda ishtirokini yoritish uchun vizalar berilmadi. RF TIV rahbari o‘rinbosari Sergey Ryabkov buni g‘azablantiruvchi holat deb atadi.
“Amerikaliklar Rossiyaning BMT Xavfsizlik Kengashidagi raisligini yakunlayotgan voqealarda Rossiya tashqi ishlar vaziri Lavrovning ishtirokiga tayyorgarlik ko‘rishda yana bir mutlaqo qabul qilib bo‘lmaydigan usuldan foydalandi. Lavrovga u yerda hamrohlik qilishi kerak bo‘lgan bir guruh rossiyalik jurnalistlarga vizalar berilmadi”, — dedi u.
“So‘nggi bir necha kun ichida biz bu masala bo‘yicha ular bilan bir necha bor bog‘landik. Shunga qaramay, natija achinarli. Jurnalistlar Rossiyaning BMT Xavfsizlik Kengashi raisligidagi eng muhim voqeani yoritishi kerak edi”, — deya qo‘shimcha qildi Ryabkov.
