Sadir Japarov Putin bilan uchrashish uchun Moskvaga bordi
Ular ikki va ko‘p tomonlama masalalarmi muhokama qiladi.
Qirg‘iziston prezidenti Sadir Japarov rasmiy tashrif bilan Moskvaga bordi.
Maʼlumotlarga ko‘ra, tashrif davomida Rossiya prezidenti Vladimir Putin bilan ikki tomonlama muzokaralar o‘tkazilishi kutilmoqda. Unda prezidentlar ikki va ko‘p tomonlama kun tartibidagi dolzarb masalalarni, shuningdek, o‘zaro manfaatli hamkorlikni yana-da rivojlantirish istiqbollarini muhokama qiladi.
Rasmiy tashrif doirasida Sadir Japarovning boshqa rasmiy shaxslar bilan ham uchrashuvlari rejalashtirilgan.
“Bundan tashqari, davlat rahbari 9 may kuni Moskvadagi G‘alaba paradiga faxriy mehmon sifatida tashrif buyuradi”, — deyiladi prezident matbuot xizmati xabarida.
