0
Rossiyadan ketgan Alla Pugacheva Peskov bilan ko‘rishdi
Rossiya estradasi primadonnasi Valentin Yudashkinning dafn marosimida qatnashish uchun Isroildan Rossiyaga keldi.
OAV xabariga ko‘ra, marosimda marhumdan ko‘ra ko‘proq eʼtibor Rossiyani tark etgan Alla Pugachevaga qaratildi. Dafn marosimida u hech kim bilan suhbatlashmagan. Qabristonga borishda esa uni muxlislar va hamkasblari qurshab olgan.
Pugacheva faqatgina Rossiya prezidentining matbuot kotibi Dmitriy Peskov bilan suhbatlashayotganda kameraga tushib qolgan.
Peskov Primadonnaning qo‘lini o‘pib ko‘rishib, uni ko‘rganidan xursandligini bildirgan.
Maʼlumot uchun, Pugachevaning turmush o‘rtog‘i Maksim Galkin Rossiya Federatsiyasida xorijiy agent deb eʼlon qilingan va mamlakatni tark etgan.
