Toshkent metrosida ayollar va erkaklar alohida navbatda turishi so‘ralgani aytildi
Holat yuzasidan rasmiylar munosabat bildirdi.
Ijtimoiy tarmoqlarda Toshkent metrosining «Beruniy» bekatida xodim erkaklar va ayollarni alohida navbatda turishini so‘ralgani aytilgan xabarlar tarqaldi. Holatga “Toshkent metropoliteni” DUK rasmiy munosabat bildirdi.
“Ushbu maʼlumot hech qanday haqiqatga to‘g‘ri kelmasligini va O‘zbekiston Respublikasi IIV xodimi o‘z lavozim yo‘riqnomasiga amal qilgan holda kassa oldida jamoat tartibini saqlash bo‘yicha o‘z faoliyatini olib borganini maʼlum qilamiz”, — deyiladi xabarda.
Metropoliten yo‘lovchilardan yolg‘on maʼlumotlarni o‘zaro tarqatmasliklarini so‘ragan.
