Jizzaxda hokimlik yuristi pora bilan ushlandi
U avval ham jinoiy javobgarlikka tortilgan.
Jizzax viloyatidagi tuman hokimliklaridan birining yuristkonsulti pora bilan qo‘lga olindi, deya xabar bermoqda “Yangi O‘zbekiston” nashri.
Qayd etilishicha, yuriskonsult xizmat mavqeidan foydalangan holda o‘z vakolatiga kirmasligini bila turib, chorvachilik va baliqchilikka ixtisoslashgan fermer xo‘jalikning boshqaruvi bo‘yicha yuzaga kelgan muammoni tanishlari orqali mazkur xo‘jalikning qonuniy rahbari foydasiga hal qilib berish evaziga 5 ming AQSH dollari talab qilgan. Shundan so‘ng u oldindan 3 ming AQSH dollari olgan vaqtida Davlat xavfsizlik xizmati xodimlari tomonidan ushlangan.
Taʼkidlanishicha, u muqaddam Jinoyat Kodeksining 210-moddasi bilan sudlanib, jinoiy javobgarlikka tortilgan bo‘lsada, o‘z xatosidan to‘g‘ri xulosa chiqarmagan. Hozirda mazkur shaxsga nisbatan Jinoyat Kodeksining 25,168-moddasi va 28,211-moddasi bilan jinoyat ishi qo‘zg‘atilgan.
