Xitoy tug‘ilishni rag‘batlantirish uchun yangi loyihani ishga tushirdi
Bu demografik inqirozni yengib o‘tishga qaratilgan.
Xitoy nikohning yangi madaniyatini yaratish va tug‘ilishni ko‘paytirishga qaratilgan yangi pilot loyihalarni ishga tushirmoqda.
Loyiha doirasida yoshlar o‘rtasida munosib yoshda turmush qurish va farzand ko‘rish zarurligi to‘g‘risida maʼrifiy-tushuntirish ishlari olib borilishi hamda ota-onalarni farzand tarbiyasidagi masʼuliyatni birgalikda bajarishga undash nazarda tutilgan. Yoshlarning turmush qurish istagiga salbiy taʼsir ko‘rsatadigan eskirgan urf-odatlarni rad etishga alohida urg‘u beriladi, masalan, anʼanaviy kelin uchun to‘lovlar cheklanishi mumkin.
Bu Xitoydagi demografik inqirozni yengib o‘tishga qaratilgan bir qator qadamlarning so‘nggisidir. Ilgari tug‘ilish darajasini rag‘batlantirish bo‘yicha bir qator chora-tadbirlar joriy etilgan bo‘lib, soliq imtiyozlari, uy-joy subsidiyalari va oiladagi uchinchi farzand uchun bepul yoki subsidiyalangan taʼlim imkoniyati berilgan.
