“Dunyo yanada xavfli va beqaror joyga aylanadi”
Rasmiy London G‘arb bilan Rossiya va Xitoy o‘rtasidagi urushni prognoz qildi.
G‘arb 2030 yilga borib Rossiya hamda Xitoy bilan to‘g‘ridan-to‘g‘ri keng ko‘lamli urush xavfiga duch kelishi mumkin, shuning uchun mudofaaga tayyorgarlik ko‘rish ko‘plab G‘arb davlatlari uchun eng muhim davlat vazifasi hisoblanadi. Bu haqda Britaniya mudofaa vaziri Ben Uolles maʼlum qildi.
“O‘n yillikning oxiriga borib, dunyo yanada xavfli va beqaror joyga aylanadi, mudofaa hayotimiz uchun muhimroq bo‘ladi. Biz hammamiz bunga tayyor bo‘lishimiz kerak”, — deydi u.
Avvalroq Rossiyaning BMTdagi doimiy vakili Vasiliy Nebenzya tashkilot Xavfsizlik kengashi yig‘ilishida Kiyevga yetkazib berilayotgan qurol-yarog‘ oqimining ortib borayotgani NATOning mojaroni kuchaytirish istagidan dalolat berishini maʼlum qilgandi. Uning fikricha, G‘arb davlatlari Ukrainada Rossiya bilan proksi urush olib bormoqda.
