Zelenskiy Hindiston bosh vaziri bilan uchrashdi
U Narendra Modini Tinchlik formulasiga qo‘shilishni taklif qildi.
Prezident Vladimir Zelenskiy Ukrainada keng ko‘lamli harbiy operatsiya boshlanganidan beri birinchi marta Hindiston Bosh vaziri Narendra Modi bilan uchrashdi.
Uchrashuv Yaponiyadagi G7 sammiti doirasida bo‘lib o‘tdi. Zelenskiy Hindiston bosh vaziriga Ukrainaning insonparvarlik ehtiyojlari, jumladan, minalardan tozalash va mobil kasalxonalar haqida gapirib berdi. U, shuningdek, Modini Tinchlik formulasiga qo‘shilishga undadi.
“Urush ko‘plab inqiroz va azob-uqubatlarni olib keldi. Deportatsiya qilingan bolalar, minalangan hududlar, vayron qilingan shaharlar, vayron qilingan taqdirlar”, — deydi prezident.
U Ukraina hududiy yaxlitligini qo‘llab-quvvatlagani va insonparvarlik yordami ko‘rsatgani uchun Hindistonga minnatdorchilik bildirdi. O‘z navbatida, Narendra Modi Zelenskiyga hindistonlik talabalarni Ukrainadan evakuatsiya qilishda ko‘rsatgan yordami uchun minnatdorchilik bildirdi.
Hindiston Rossiyaning Ukrainaga bostirib kirishini qoralamagan, biroq boshqa tomondan, Moskvani ham qo‘llab-quvvatlamagan.
