0
Toshkentda yangi qurilgan binoda yong‘in bo‘ldi
Olovni o‘chirish uchun 4 ta yong‘in-qutqaruv ekipaji jalb qilingan.
Bugun, 17 iyun kuni soat 02:25da Shayxontohur tumani “Shayxontohur” MFY, Labzak ko‘chasi joylashgan yangi qurilayotgan binoda yong‘in bo‘layotgani to‘g‘risida Toshkent shahar favqulodda vaziyatlar boshqarmasiga xabar kelib tushgan.
Shunga ko‘ra 4 ta Yong‘in qutqaruv ekipajlari yong‘inni o‘chirishga jalb etilgan. Yong‘in soat 02:47da qurshab olinib, soat 03:25da batamom o‘chirilgan. Yong‘indan binoning 250 kv.m. maydoni saqlab qolingan.
Birlamchi maʼlumotlarga ko‘ra, yong‘inning taxminiy sababi elektr simlarida qisqa tutashuv bo‘lgan. Yong‘indan jabrlanganlar yo‘q.
