Entoni Blinken Xitoyga bordi
U Pekinda Xitoy TIV rahbari bilan uchrashgan.
AQSH Davlat kotibi Entoni Blinken ikki kunlik tashrif bilan Pekinga keldi. U so‘nggi besh yil ichida Xitoyga tashrif buyurgan birinchi yuqori martabali AQSH diplomatidir.
Qayd etilishicha, AQSH prezidenti Jo Bayden va Xitoy rahbari Si Szinpin o‘tgan yilning noyabr oyida Indoneziyada G20 sammitida bo‘lib o‘tgan uchrashuvda ushbu tashrif haqida kelishib olgan. Keyin Blinken fevral oyida Xitoyga tashrif buyurishi aytilgandi, ammo o‘sha oyning boshida shtatlar hududida Xitoyning josuslik shari topildi va Bayden maʼmuriyati safarni bekor qildi.
Pekinda Blinken Xitoy tashqi ishlar vaziri Sin Gang bilan uchrashdi. Muzokaralar yopiq formatda bo‘lib o‘tgan. Blinken 19 iyun kuniga qadar bo‘lgan safari davomida Xitoyning bosh diplomati Van Yi va ehtimol rais Si Szinpin bilan ham uchrashib, ikki davlat o‘rtasidagi strategik raqobat mojaroga aylanib qolmasligi uchun ochiq va mustahkam aloqa kanallarini o‘rnatishga intilishi kutilmoqda.
Vashington Qo‘shma Shtatlar va Xitoy o‘rtasida yuqori darajadagi muloqot zarurligini taʼkidlamoqda, bu ular o‘rtasida turli masalalar bo‘yicha kelishmovchiliklar, ayniqsa, Hindiston-Tinch okeani mintaqasida o‘sib borayotgan geografik raqobat fonida muhimdir.
