AQSH Kongressi Blinken va Markaziy razvedka boshqarmasi rahbarini tinglashni talab qildi
Bunga Xitoydagi muzokaralar sabab bo‘lgan.
Markaziy razvedka boshqarmasi direktori Uilyam Berns va AQSH Davlat kotibi Entoni Blinken ishtirokida tinglov o‘tkazish talabi Vakillar palatasi va Senatning tashqi aloqalar qo‘mitasi raislari Maykl Makkol va Robert Menendezdan kelib tushgan.
Qonunchilar Xitoyning Kubadagi josuslik bazasi haqidagi xabarlar fonida maxfiy brifing o‘tkazishni rejalashtirmoqda, deyiladi xabarda. Kongressmen Maykl Makkol va senator Bob Menendez bunday bazaning oqibatlaridan xavotir bildirdi, chunki bu AQSH milliy xavfsizligiga tahdid soladi.
Avvalroq AQSH maʼmuriyatining yuqori martabali amaldorlari prezident Jo Baydenning Xitoy rahbari Si Szinpin haqidagi so‘zlaridan hayratda qolgan edi. Bayden uni «sarosimadagi diktator» deb atadi va Xitoy rahbari Xitoy shari urib tushirilganidan «juda xafa bo‘lganini» aytdi.
Oq uy darhol AQSH rahbarining bayonotlari Vashingtonning rasmiy siyosatini aks ettirmasligini taʼkidladi. Maʼmuriyat, Baydenning bayonoti Xitoy bilan munosabatlarga hech qanday taʼsir ko‘rsatmasligiga va Entoni Blinkenning Xitoyga tashrifidan keyin erishilgan muvaffaqiyatlarni bartaraf etmasligiga ishonch bildirdi.
